Құрлықтық
хоккей лигасында сынға түсіп жатқан елордалық «Барыс» командасы тағы да үздік
шықты. Соңғы 5 ойында қарсылас шақ келтірмеген Андрей Назаров шәкірттері бұл
жолы Мәскеудің «Спартак» клубын 5-2 есебімен ұтты. Осы жетістігінен кейін 46
ұпай жинаған қазақстандық ұжым турнир кестесінің 10-шы сатысына көтерілді.
Келесі кездесуін Андрей Назаровтың шәкірттері 19 қараша күні Санкт- Петербор қаласының «СКА» клубына қарсы
өткізеді.
Бүкіләлемдік
бокс кеңесі, орта салмақтағы әлем чемпионы пуэрторикалық Мигель Коттоны
чемпиондық атақтан айырды. Оған Коттоның
кездесу алдында міндетті жарна төлеуден бас тартқаны себеп. Ұйым ережесіне
сәйкес осы тұжырымдағы чемпиондық белбеуді сарапқа салар алдында екі спортшы да
жарна төлеуі керек. 21 қарашада Котто чемпиондық белбеуден үміткер
мексикалық Сауль Альвареспен қолғап түйістіреді. Аталған жекпе-жектің
жеңімпазы әлем чемпионы қазақстандық
Геннадий Головкинмен кездесетін болады.
Футболдан
Францияда өтетін Еуропа чемпионатына қатысатын 24 құрама анықталды. Олар 6 топта
өнер көрсетеді. 12 желтоқсан күні Парижде жеребе тастау рәсімі өткен соң қай
құрама қай топта өнер көрсететіні белгілі болады. Плей-офф ойындарына әр топтан
үздік шыққан екі команда мен тағы төрт құрама көрсеткіші жағынан іріктеліп
алынады. Еуропа чемпионаты Францияда
2016 жылдың 10-шы маусымы мен 10-шы шілдесі аралығында өтеді. Іріктеу жарысына
қатысқан Қазақстан құрамасы жолдамадан
құр қалды. 10 кездесуде команда небәрі 5 ұпай жинаған.
Самат ҚАНАҒАТОВ