Дэвис кубогында Недовесов Австралия теннисшілерімен тартыста ел қоржынына
екінші ұпайды салды. Кортта Ник Кирьос пен Александр Недовесов кездесті.
Бірінші сетте тай-брейкте - 7:5 есебімен Недовесов жеңді, екінші және үшінші
партияларда да жеңімпазды тай-брейк анықтады - бастапқыда 7:2 есебімен Кирьос
басымдық танытса, кейін Недовесов 7:5 есебімен алға шықты. Шешуші сетте
қазақстандық 6:4 есебімен жеңді. Жалпы есеп - 2:0, алда - Қазақстан. Ал, Дэвис
Кубогында алғашқы жеңісті ел қоржынына Михаил Кукушкин салды. Ол Танаси
Коккинакиспен кездесіп, 6:4, 6:3, 6:3 есебімен жеңіске жетті. Ертең жұптық
сында Сэм Грот пен Ллейтон Хьюитт, Андрей Голубев пен Александр Недовесовпен
кездеседі.
Алматының «Қайрат» командасы Еуропа лигасының екінші іріктеу кезеңінде
армениялық «Алашкерт» клубын 3:0 есебімен ойсыра ұтты. Матчтың 14 минутында
Бауыржан Исламхан пенальтиден гол соқты, 55-минутта «Қайрат» сапындағы
Кот-д’Ивуар елінен келген футболшы Джерар Гоу бәсекелестің қақпасына екінші
допты салды. Ал, 69-минутта «Қайраттың» сербиялық легионері Джордже Деспотович
есепті 3:0-ге жеткізді. Енді екі команда шілденің 23-інде Ереванда қарымта матч
өткізеді. Қос ойынның нәтижесі бойынша жеңіске жеткен клуб Еуропа лигасының
үшінші іріктеу кезеңіне шығады.
Берік ХАСЕНОВ