«Астана» футбол клубының ганалық шабуылшысы УЕФА-ның тәртіптік комитетінің
шешімімен 6 ойыннан аластатылды. Патрик Твумасиді Хик командасының футболшысын
тепкені үшін жазалап отыр. Футболшы осыған дейін АПОЭЛмен болған ойында алаңға
шықпаған еді. Енді ол Никосиядағы қарымта матчта командасына көмектесе алмайды.
Басқа да спорт жаңалықтармен Берік Хасенов.
Ертең «Барыс» құрлықтық хоккей лигасының сегізінші маусымын Магнитогорсктің
«Металлургімен» бастайды. Таяуда клуб президенті команданың сапындағы жаңа
ойыншыларды таныстырды. Команда құрамында Мартен Сен-Пьер және Алексей
Кайгородов соңғы екі маусымда «Торпедо» сапында ойнаған шабуылшы Вадим
Краснослободцев және Китон Эллерби ойнайтын болады.
Вячеслав Трясунов, «Барыс» ХК қорғаушысы:
Көп ойланған жоқпын. Осындай мүмкіндіктер өмірде өте аз болады ғой.
Сондықтан қандай жағдай да болса, бас тартуға болмады.
«Вуэльта» велокөпкүндігінің екінші кезеңінде «Астана» велокомандасының капитаны Винченцо Нибали жарыстан шығарылды. Жарыс күнінің
екінші кезеңінде, мәреге 30 шақырым қалғанда, спортшылардың жаппай құлауы орын
алған. Салдарынан «Астана» командасы капитаны мінген велосипедтің алдыңғы
дөңгелегі шығып кетті. Нибали "Астана" командасының техникалық
көлігіне жақындап, қысқа қашықтыққа оған жармасып өткен. Артынша Нибали де, техникалық көлік те дисквалификацияға ілінді.
Александр Винокуров, «ASTANA PRO TEAM» бас менеджері:
Техникалық көліктегі директор Александр Шеферді де жарыстан шығарды.
Жарайды көлікті жарыстан аластатсын, ал Нибалиге айыппұл салса да болар еді. Ол
қайткенмен, үш гранд-турдың жеңімпазы ғой. Айыбымызды мойындаймыз, бірақ
жарыстан шығару - тым қатал жаза. Бізде кіші капитан Ару бар. Соған сеніп,
жарысты жалғастырамыз.
Роджер Федерер АТР турниріндегі 87 жүлдесіне орын дайындауда. Ол ақтық
кезеңде қарсыласы Новак Джоковичті еш қиындықсыз жеңді. Айта кету керек,
Федерер бүкіл турнир бойы өте әдемі ойын көрсетті.
Берік ХАСЕНОВ