Мәжіліс
«2016 - 2018 жылдарға арналған республикалық бюджет туралы» заң жобасын қарауға
алды. Бюджет жобасы Елбасының Қазақстан халқына арналған Жолдаулары негізінде
әзірленген.
Сонымен қатар, депутаттар «Ұлттық қордан 2016 - 2018 жылдарға
арналған кепілдендірілген трансферт туралы» заң жобасын да өндіріске алды.
Қаржы және бюджет комитеті құжаттарға 11 қарашаға дейін қорытынды әзірлейтін
болады. Ұлттық экономика министрлігінің мәліметінше, 3 жылдық бюджет жобасын
әзірлеу кезінде стратегиялық жоспардың жаңа форматы қолданылды. Бюджеттік
бағдарламаларды қалыптастыруға қатысты өзгерістер де бар. Нәтижесінде бұл 2016
жылы бюджеттік бағдарламалар санын 519-дан 220-ға дейін азайтуға мүмкіндік
бермек.
Мөлдір
БАҚЫТҚЫЗЫ