Футзалдан
Қазақстанның ұлттық құрамасы тұңғыш рет Еуропа чемпионатына жолдама алды. Бұл
сында Босния және Герцеговина командасымен екі кездесу өткізген Рикардо
Собралдың шәкірттері 9-0 есебімен жеңіске жетті.
Сырт
алаңдағы ойында 5-0 есебімен басым түскен қазақстандық ұжым өз алаңында өткен
кездесуде қарсыластарын 4-0 есебімен жеңді. Алаң иелерінің сапында гол
соққандар Лео, Дуглас Жуниор, Павел Таку және Шыңғыс Есенаманов. Футзалдан
Еуропа чемпионаты 2016 жылы Сербия мемлекетінде өтеді. Құрлық жарысына 12
команда қатысып, бас жүлдені сарапқа салады.
Еске салайық. Футзалдан
Қазақстан құрамасы - Азия чемпионатының күміс және қола жүлдегері. 2000 жылы Әлем
чемпионатына қатысушы. Команда капитаны Дінмұхамед Сүлейменов құрама сапында 45
кездесу өткізіп, осы көрсеткіш бойынша рекордты жаңартты.
Дінмұхамед
Сүлейменов, футзалдан Қазақстан ұлттық құрамасының капитаны:
Ең
мықты сезім. Енді дайындық өте жақсы болатын шығар, деп ойлаймын. Өйткені федерация барлығы көрді осы жерде. Ойынымыз жаман
емес, деп ойлаймын. Құдай қаласа, чемпионат Европада
жақсы ойнаймыз,
деп ойлаймын.