Еуразиялық
экономикалық одақ шеңберінде ортақ валюта болмайды! Бүгін Астанада өткен «Еуразиялық
экономикалық перспектива» форумына
қатысқан Еуразиялық экономикалық алқа төрағасы Виктор Христенко осылай деп
мәлімдеді.
Виктор
Христенко, Еуразия
экономикалық комиссиясының алқа төрағасы:
Бұл
сұрақ белгіленген ауқымды бағдарламалар
іске асқан соң, бір-ақ қозғалуы мүмкін. Оның өзінде
тек 2025 жылға
қарай. Әрине,
ұлттық валюталардың құнсыздануы қаржы саясатына өзгеріс енгізуге итермелейді.
Бұл бағытта Орталық банк, қаржы, экономика министрліктері қоян қолтық жұмыс
істеуі керек. Мұндай шаралар экономикалық қиындықты еңсеруге сеп болады, деп
ойлаймын.
«Еуразиялық экономикалық
перспектива» халықаралық форумы аясында Парламент Мәжілісінің төрағасы
Қабиболла Жақыпов одақ елдері Қытаймен экономикалық, индустриалды және
инвестициялық байланысты дамытуы қажеттігін алға тартты. Бұл жаңа өндіріс
орындарын ашуға, шағын-орта бизнесті дамытуға сеп болады, деді.
Айта кету керек, келесі жылдың
басында Еуразиялық экономикалық одақ Қытаймен сауда-экономикалық қарым-қатынасты
дамыту жөнінде келіссөздер жасасады деп күтілуде.
Мөлдір БАҚЫТҚЫЗЫ