Бүгін Сочиде төрт жылда бір айналып
келетін дүбірлі спорт додасы басталады. XXII Қысқы Олимпиада ойындарының
салтанатты ашылуы «Фишт» стадионында өтпек. Оған Қазақстан Президенті Нұрсұлтан
Назарбаев қатысады. Сондай-ақ, Елбасы қазақстандық
спортшылармен кездеседі деп күтілуде.
Сочи-2014 Қысқы Олимпиадасының ашылу
салтанатында елдің туын шаңғышы Ердос Ахмадиев
алып жүреді. Жалпы, Олимпиадада спорттың 15 түрінен 98
медаль сарапқа салынбақ. Оған әлемнің 80 мемлекетінен 5000-нан астам спортшы
қатысады. Қазақстан намысын спорттың 11 түрі бойынша 52 спортшы қорғауға
аттанған. Олардың арасында шаңғы биатлон, мәнерлеп сырғанау, фристайл-могул,
тау шаңғысы мен шана спорты да бар. Спортшыларымыз әлемнің түкпір-түкпірінен келген мықтылармен
жүлдеге таласып көреді.
Ләйлә ҚАЗИЯҚПАРОВА