Орал әуежайындағы ұшақтарға арналған
ұшу-қону жолағы биыл жөнделетін болды. 2 мың
400 метрді құрайтын жолақ монолитті бетоннан құйылып, 400 метрге дейін ұзармақ.
Құрылыс жұмыстарына барлығы 6 миллиард теңге қаражат қажет. Бұл жайында
арнамызға Автокөлік жолдары комитетінің төрағасы айтты.
Әуежайдың ұшу-қону алаңы мемлекет
меншігіне өткізілгеннен кейін Батыс Қазақстан облысының әкімдігі алаңды
халықаралық стандарттарға сай қылуды өз міндетіне алды.
Айта кетелік, 1970-жылдары салынған
әуежайдың ұшу-қону алаңының жібі түзу жөндеу көрмегеніне де қырық жылға таяпты.
Соңғы рет 2003-жылы ғана күрделі жөнделген.
Дегенмен, қазір тозығы жеткен ұшу-қону алаңы алып ұшақтарды қабылдай алмайды.
Айта кетейік, бүгінде ел аумағындағы 18 әуежайдың 4-уі жеке адамдардың
меншігінде.
Замир Сағынов, ҚР Көлік және коммуникация министрлігі Автокөлік
жолдары комитетінің төрағасы:
Қазіргі таңда техникалық-экономикалық негіздемелері жасалып, қазір
Үкіметтен осы бюджетті нақтылау кезінде керекті қаражатты береді деген ойымыз
бар. Соған ұсыныс Экономика және бюджеттік
жоспарлау министрлігіне ұсыныс жіберілді.
Еркін ҚАРИН