Ауған президенті Хамид Карзай сайлау
науқаны сәтті өткендігін айтты.
Алайда елде жағымсыз жайттар да орын алды. Сайлау
учаскелеріндегі жәшіктерді алып бара жатқан жүк көлігі жарылып, нәтижесінде 3
адам мерт болды. Жарылыс салдарынан сайлау бюллетеньдері салынған тағы 8 жәшік
өртеніп кетті.
Жалпы, ақпар бойынша сайлауға 7 миллионға жуық ауғандық азамат қатысқан. Тәлібтердің бопсалауына қарамастан, жұртшылықтың
50% сайлау учаскелеріне келген. Кейбір ақпар көздеріне сенсек, сайлау
учаскелерінде болған жарылыстардан 30-дан астам адам жараланған.
Айта кетейік, ел билігіне таласушылар қатарында үш кандидат
бар. Олар: Расул Залмай, Абдулла Абдулла және Ашраф Гани Ахмадзай. Әзірге, сайлау
нәтижелері белгілі емес. Осы ретте екінші тур өтеді деген болжам бар. Ол 28 мамырда өтеді деп жоспарланған.
Абдул Латиф, Кабул тұрғыны:
Біз сайлау науқанының өткеніне өте қуаныштымыз. Барлығы бірінші айналымда
аяқталады деген үміттеміз. Біздің үкімет пен экономикамыз қазір өте әлсіз. Егерде екінші айналым болған жағдайда, ішкі қауіпсіздігіміз қауіп төнбек.
Жұрағат БАМАН