Миллиардер, әрі медиамагнат Сильвио
Берлускони енді қарттар үйінде жұмыс істейді. Италия соты атышулы саясаткерді
дәл осылай жазалауы әбден мүмкін.
Елдегі бірнеше қарттар үйі саясаткерді
жұмысқа шақырып үлгеріпті. Заңгерлердің айтуынша, бұрынғы премьер-министрді
жұмысқа шақырған мекемелер оның өз міндетін аптасына бір рет орындауын қалаған.
Еске салайық, қаржылық қитұрқылыққа
салып, салық төлеуден жалтарғаны үшін саясаткерді Италия соты 4 жылға түрмеге
қамау туралы шешім шығарды. Кейін бұл мерзім
бір жылға қысқартылды. Бірақ Берлускони өзін тәртіпті ұстаса, 9 айдан кейін бұл
жазадан сытылып кетуі мүмкін. Қайткен күнде де, егде жасына байланысты
Берлускони темір торға жабылмайды. Оның жасы қазір 77-де. Ал нақты сот
шешімі ертең белгілі болады.
Сымбат МОЛДАТАЙ