Франция үкіметі БҰҰ-дағы тұрақты өкілі тұратын резиденцияны
сатылымға қойды. Нью-Йорктың Парк-авенюында орналасқан үйдің бағасы 48 млн
доллар. Пәтер 18 бөлмеден және екі қабаттан тұрады. Ішінде 5 камин мен екі
қабатты қосатын лифті бар.
Баспана Нью-Йорктың бай аудандарының бірінде
орналасқан. Ол үйде кезінде Американың бірінші ханымы болған Жаклин Кеннеди
және кіші Джон Рокфеллер тұрған.
Осы аптада Францияның жаңа премьер-министрі
Мануэль Вальс бюджет тапшылығын азайту мақсатында бірқатар қысқартулар мен
үнемдеулерден тұратын бағдарламаны ұсынған еді. Алайда құны қымбат үйдің
сатылатыны туралы сыбыс өткен жылдан бері шыққан. Ал Францияның БҰҰ-дағы
тұрақты өкілі Жерар Аронның қай үйге көшетіні әлі хабарланған жоқ.
Айгүл ӘДЕПБАЙ