Үрімші теміржол вокзалындағы
жарылыстан қаза тапқандар мен зардап шеккендер арасында қазақстандықтар жоқ. Бұл
деректі Қазақстан республикасының Үрімшідегі бас консульдығы таратты, - деп «Қазақпарат»
агенттігі хабарлады.
Еске салайық, кеше Астана уақыты
бойынша сағат 15:10-да болған жарылыстан 3 адам қаза тауып, 79-ы жарақаттанған.
Қайғылы оқиға Үрімші қаласының оңтүстік
теміржол вокзалында болды. Жолаушылар пойызын күтіп тұрған адамдарға пышақпен
қаруланған белгісіз біреулер тап берген. Дәл осы уақытта вокзалда қуатты
жарылыс орын алды.
Азамат АЛДОҢҒАРОВ