Ауа-райының тосын мінезі әлі
алда. Апта соңына қарай көптеген аймақтарда күн райы күрт салқындамақ.
"Қазгидрометтің" хабарлауынша, Қазақстанның кейбір өңірлерінде жел
күшейеді. Еліміздің шығысы мен оңтүстік-шығысында
ауа-райы 0-5 градусқа дейін суытады деген болжам бар.
Ал солтүстікте жаңбыр жауып, найзағай ойнайды.
Ақмола, Қостанай, Павлодар облыстарында желдің күші секундына 15-20 метр
жылдамдыққа барады. Жамбыл, Оңтүстік Қазақстан, Қызылорда, Маңғыстау облыстарында
да бұрқасын дауыл болады деп күтіліп отыр. Шығыс Қазақстанда тұман түсіп, секундына 15-20 метр жылдамдықта жел соғады.
Әлия Оспанова,
"Қазгидромет" РМК инженер-синоптигі:
Павлодар және Шығыс Қазақстан
облыстарында кей күндері жаңбыр жауады. Аптаның соңына қарай салқын ауа массаларының
келуіне байланысты республикамыздың солтүстік-шығыс бөлігінде жауын-шашынды
күн райы орын алып, сынап бағанасы 13 - 18, кейбір жерлерде 8 градусқа дейін
төмендесе, түнде солтүстік өңірлерде жерді үсік шалуы мүмкін.
Жұрағат БАМАН