Қарағанды кеншілері Түркияда қаза тапқан шахтерлар отбасына көңіл айтып, жеделхат жолдады. "Шахтерлар әулеті" қоғамдық бірлестігі өз хатында, кеніштегі апат қарағандылық жұмыскерлердің де қабырғасын қайыстырғанын жазды.
"Кеншілер мен олардың отбасылары басына түскен жағдай бізге түсінікті. Біз де өз жақындарымызды жоғалттық. Жер астындағы кеншінің жұмысы өте ауыр. Бақытсыздыққа жол бермеу үшін бірінші кезекте әрбір адамның қауіпсіздігін қамтамасыз ету қажет. Адам өмірінен маңызды, адам өмірінен артық еш нәрсе жоқ екенін ескеріп, ойлану қажет",- деп жазылған жеделхатта.
Азамат АЛДОҢҒАРОВ