«Газпром» Украина ресей газының
қарызын жақын күндері қайтарады деп сенеді. Бұл туралы компания басқармасының
төрағасы Алексей Миллер жыл сайынғы Еуропалық іскерлік конгрессінде сөйлеген
сөзінде айтты.
Еске салайық, бүгін Киев Мәскеуге 2
миллиард доллар қарызын өтеуі тиіс. Қалған 500
миллионды Украина 7- маусымға дейін қайтарамыз деп отыр. Алайда, Миллер егер де
«Газпром» маусым айында тасымалданатын газ үшін қаражат алмаса 3 маусымда
Украинаны газдан айырады деп ескертті.
Қазіргі таңда «Нафтогаздың» Ресей
алдындағы берешігі 3 миллард 500 миллион долларды құрап отыр. Ал 7 маусымда бұл сома 5 миллиардқа жетеді. Бұдан бұрын БАҚ
беттерінде Еуроодақ «Нафтогазға» 10 миллард доллар қаражат табуға көмектестіні
жайында хабар таратылған болатын.
Алексей Миллер
«Газпром» ААҚ басқарма
төрағасы:
Жақын күндері біз келіссөздер бойынша мәмілеге келіп, Украина ресей газына
төлейді деп сеніп отырмыз. Сонымен қатар, «Газпром» маусым айындағы газ
тасымалына да шот бергені де белгілі. Соңғы мерзім 2 маусым.
Азамат АЛДОҢҒАРОВ