Классикалық, халықтық және заманауи жанрларды үйлестірген оныншы ұлттық
Дельфий ойындары биыл Орал қаласында 26-30 маусым аралығында өтеді. Оған 500-ден
астам жастар қатыспақ. «Нұр Отан» партиясының және Жастар ісі жөніндегі
комитеттің қолдауымен Дельфий ойындары жыл сайын еліміздің түрлі қалаларында
өткізіліп жүр.
Өнер сайысы биыл 15 аталым бойынша өтеді. Қатысушылар
музыка, би, көркемсөз өнері, көркемөнер мен киім дизайны және журналистика
сияқты санаттарда өз өнерлерін көрсетеді. Ал Дельфий ойындары шеңберінде
балалар шығармашылығының «Күн әлемі» фестивалі 2-4 маусым аралығында Астанада
өтпек. Фестиваль әлеуметтік жағынан аз қамтылған балаларға өнер арқылы іс
жүзінде көмектесуді мақсат тұтады. Бүгінгі таңда халықаралық Дельфий
қозғалысына 36 ел қатысады.
Еркін Үйсімбаев, ҚР Білім және ғылым министрлігі жастар істері комитетінің
төрағасы орынбасары:
Білім және ғылым министрлігінің
жастар ісі комитеті Ұлттық Дельфий комитеті қозғалысымен өте тығыз байланыста
жұмыс атқарады және қолдайды. Оған қаржылай көмек көрсетеді. Бұл көмектің
мақсаты жастарға көмектесу, олардың шығармашылығын дамыту.
Сажида Сайтбаева, Ұлттық Дельфий комитетінің атқарушы директоры:
Мақсат - патриоттық тәрбие беріп қана қоймай, әрбір тұлғаның рухани байлығын арттыру.
Дельфий қозғалысы дәл осы қағиданы ұстанады. Еуропалық ойындардағы жеңісіміз -
өскелең ұрпақтың еліміздің мәдени дамуына қосқан сүбелі үлесі деп білемін.
Базаргүл ОТЫНШИЕВА