Теннистен Франция ашық чемпионаты аяқталды. Ерлер
бәсекесінде Испания спортшысы Рафаэль Надаль дәрежелі жарыстың 9 дүркін
жеңімпазы атанды.
Ақтық сында әлемнің бірінші ракеткасы
- Сербия спортшысы Новак Джоковичті қапы қалдырды. Бірінші сетте 6:3 есебімен
ұтылғанына қарамастан, қалған уақытта Джоковичтің бас көтеруіне мүмкіндік
бермеген Надаль жанкүйерлер қошеметіне бөленді. Испания теннисшісі «Ролан Гарос»
турнирін қатарынан 5-ші мәрте ұтып отыр.
Әйелдер жарысында ресейлік Мария
Шараповаға тең келер ешкім болмады. Финалда 27-жасар Ресей спортшысы Румыния
теннисшісі Симона Халеппен өзара мықтыны анықтады. Екі сет қорытындысы бойынша
спортшылар 1:1 есебімен тең түсті. Дегенмен, шешуші сетте табандылығымен
танылған Ресей теннисшісі кездесуді өз пайдасына шешті.
Естеріңізде болса, 2012 жылы да сауатты ойнымен
ерекшеленген Мария Шарапова дәл осы жарыста топ жарды. Бұл жетістігінен кейін
Ресей спортшысы әлем рейтингінде 5-ші орынға көтерілді.
Самат ҚАНАҒАТОВ