Маусымның 20-сы мен 22-сі күндері
елордада «Астана кештері» атты III халықаралық өнер фестивалі өтеді.
Фестивальдің баспасөз қызметі хабарлағандай, мәдени шара «Дегдар» гуманитарлық
қоры қамқоршылық кеңесінің төрайымы Дариға Назарбаеваның жетекшілігімен ұйымдастырылады.
«Жоба аясында 5 концерт өткізіледі. Онда
Қазақстан, Ресей, Әзербайжан және Италияның танымал орындаушылары өнер
көрсетеді. Бұл жоба қайырымдылық
шарасы болғандықтан барлық билеттер тегін таратылады», - делінген хабарламада.
Концерттер Бейбітшілік пен Келісім сарайы мен «Астана Опера» театрының залында
өтеді.
Базаргүл ОТЫНШИЕВА