Ақтөбеде халықаралық дәрігерлер күні қарсаңында ақ халатты абзал жандарға
құрмет көрсетілді. Дәстүрлі шараның биылғы ерекше қуаныш иелері 40
дәрігер мен 40 медбике болды. Облыс басшысы Архимед Мұхамбетов оларға алғыс
хаттар мен бағалы сыйлықтар тарту етті. 8 дәрігер «медицина саласының үздігі»
төсбелгісімен марапатталды.
Аймақтағы үлгі тұтар ем орындары да назардан тыс
қалмады. Денсаулық сақтау саласында ерекше көзге түскен ауруханалар да аталып
өтті. Ал қалалық емхана дәрігері мен медбикесі көптен күткен сыйлық иегері
атанды. Облыс басшысы екеуіне жаңа пәтерге сертификат табыс етті.
Аманғали Бердешев, №2 Ақтөбе қалалық емханасының терапевті:
Жалпы пәтер кезегінде 10 жылдан астам уақыт болды. Төл мерекемізге сай
пәтердің сертификатын алып жатырмыз. Оған өте зор қуаныштымыз. Енді Ақтөбе халқының,
тұрғындарының денсаулығын нығайтуға одан әрі үлесімізді қосуға күш саламыз.
Мансұр ЕСҚОЖИН