Джулиан Ассанж Қазақстан журналистер одағы сыйлығының
лауреаты атанды. WikiLeaks сайтының авторы, австралиялық блогер Ассанжтың
еңбегі «журналистік зерттеу» аталымында бағаланды, -
деп «ҚазАқпарат» хабарлады.
Журналистер одағы үздік жұмыстар мен
шығармашылық байқауын жыл сайын өткізеді. Лауреаттар арасында республикалық
және аймақтық БАҚ-тың журналистері мен фототілшілері бар.
Ал билік өкілдері, үкіметтік емес және
діни ұйымдардың өкілдері баспаны қолдап, журналистермен өзара түсіністік
танытқаны үшін одақтың дипломдарымен марапатталды. Байқау қорытындысы бүгін ресми баспасөзде жарияланды.
Джулиан Ассанж лауреаттар тізіміндегі жалғыз шетелдік журналист. Қазақстан
журналистер одағы оған бұл жүлдені WikiLeaks сайтын құрғаны үшін беріпті.
Азамат АЛДОҢҒАРОВ