Топ жарған тоқсан екі түлек. Бүгін
Астанада «Алтын белгі» иегерлері марапатталды. Салтанатты шара «Қазақ елі» алаңында
өтті. Астана әкімі Иманғали Тасмағанбетовтың қолынан барлығы 92 озат бітіруші «Алтын
белгі» тағынды.
Он бір жыл оқып-тоқып, білімін
дәлелдеген түлектер үшін бүгін ерекше күн. Енді оқу озаттары қалаған білім ордасын
таңдау құқығына ие. Жыл қорытындысы бойынша астаналық 362 оқушы АҚШ, Бразилия,
Голландия, Грузия, Индонезия, Ресей, Түркия, Қытай мемлекеттерінде өткен
халықаралық білім додаларына қатысып, 234 медаль иеленді. Жүлделі орындардың
саны бойынша алдыңғы қатардағы мектептер - Қазақ түрік лицейі, «Нұр орда» лицейі және №17 мектеп.
Иманғали Тасмағамбетов, Астана қаласының әкімі:
Өз басым сіздердің әлемдік талай биіктерді
бағындырып, білім шыңынан көрінетіндеріңізге сенемін. Өйткені сіздердің
бойларыңызда Астананың асқақ рухы мен жүректеріңізде Елбасының жаққан жалыны
бар.
Мөлдір БАҚЫТ-ҚЫЗЫ