Петропавлдық кітапханашылар
жұртшылықтың кітап оқуға деген ынтасын арттырудың жолын тапты. Соңғы кездері оқырмандар саны тым азайып бара жатқан. Қазір
күніне жүздеген адам келетін болды.
Облыстық кітапхана мамандары келушілер
үшін кітапты далада, ашық аспан астында оқу мүмкіндігін жасап берді. Жазғы оқу залының ашылғанын естіген жұрт қазір кітапханаға
ағылып жатыр. Оқырмандар - балпандаған баладан бастап, еңкейген қарияға дейін.
Барлық кітаптар мен газет-журналдар тегін ұсынылып жатыр.
Қайыржан Мәлікова, Сәбит Мұқанов атындағы облыстық
кітапхананың қызметкері:
Бұл оқу залының бір ерекшелігі - осында келіп отырып, газет-журнал қарау
үшін кітапханаға келіп жазылудың, я болмаса, оқырман билетінің, не басқа бір
құжаттың қажеті жоқ. Кез келген адам өтіп бара жатып, мына жердегі кітапхана
алдындағы шағын саябақта демалуға келіп отырған адам осы жерде өзінің бос
уақытын жақсы ұйымдастыра алады.
Абзал ҚҰРМАНКИН