Елбасы Нұрсұлтан Назарбаев бүгін Шығыс
Қазақстанға іс-сапарымен аттанбақ. Бұл туралы «ҚазАқпарат» хабарлады.
Сапар барысында Президент өңірдің ірі
кәсіпорны «Өскемен технологиялық жабдықтар зауыты» жауапкершілігі шектеулі
серіктестігіне барады деп жоспарлануда. Сондай-ақ, Президент Индустрияландыру
картасы жобасы шеңберінде салынатын жаңа зауыт құрылысымен танысады.
Шығыс Қазақстан облысы әкімінің
ақпараттық орталығының мәліметінше, Елбасының назарына өңірде жүзеге асырылатын
Индустрияландыру картасы жобаларының көрмесі ұсынылады. Президент өңірдегі ауыл шаруашылығы өнімдерін өндіруші
кәсіпорындарды да араламақ. Сапар соңында Мемлекет басшысының Шығыс Қазақстан
облысының активімен, шағын және орта бизнес, қоғам өкілдерімен кездесуі
жоспарланған.
Жұрағат БАМАН