Астанада қала күні қарсаңында көшелерге көрік беретін гүлзарлар мен
саябақтар қалпына келтіріліп жатыр. Қала әкімдігі мерекеге орай көптеген гүл
бақтары мен бульварлар жаңа кейіпке енетінін хабарлады. Гүлзарлар Есіл жағасына
және негізгі жолдарға жақын болғандықтан тұрғындар жиі барып демалады.
Қазір
Астанадағы Сарыарқа даңғылындағы гүлзарды көркейту жұмыстары жүріп жатыр. Оның
салынғанына аз уақыт болғанымен, тұрғындардың сүйікті жеріне айналып үлгерген.
Жылда Астана күніне арналған 70-тен астам бағдарламалар ұйымдастырылады. Биыл
да астаналықтар мен қала қонақтары қызықты іс-шараларды, түрлі фестивальдар мен
байқауларды, көңілді спорттық жарыстар мен түрлі тағамдар көрмесін
тамашалайды.
Астананы аралау үшін Қызылордадан келдік. Қыдырып жүрміз. Өте әдемі.
Астанамыз жылдан жылға көркейіп барады.
Мен Астананы жақсы көрем. Өте
сұлу қала. Саябақтар мен көшелердегі гүлзарлар көздің жауын алады. Қазірде де
бірнеше жерде құрылысы жүріп жатыр. Аяқталғанын күтіп жүрмін. Біткен соң міндетті
түрде демалуға барамын.
Азамат АЛДОҢҒАРОВ