Ресейде Президент Владимир Путиннің бейнесі бар iPhone
сатылымға шықты. Бұл туралы Би-Би-Си мәлімдеді. Жаңа гаджетті «Путинфон» деп
атап үлгерді. Оны жасап шығарған итальяндық танымал зергерлік шеберхана. Арты
18 карат алтынмен қапталған. Онда Владимир Путиннің суреті бейнеленіп, Ресей
Федерациясының әнұранынан үзінділер берілген.
Мұндай iPhone 5S-тің сатылымға
тек 4 данасы ғана шығарылады. Әрқайсының өз реттік нөмірі бар. Әлбетте,
смартфон арзан тұрмайды. Шамамен 4300 доллар. Дегенмен ерекше телефонды
сатып алам деушілерге шектеу жоқ. Негізінен оны сатып алатындар ұлтжанды
шенеуніктер мен компаниялардың топ-менеджерлері.
Ал BBC-ліктер Владимир
Путиннің бұл әрекеті оның өркөкіректілігі мен бірбеткейлігінен
хабар береді дейді. Олар мұндай мәліметті телефонды шығарушы компанияның
баспасөз баянынан алған.