Қытайдың солтүстігінде 20 минут бойы
тоқтамай бұршақ жауды. Көлемі жұмыртқадай
болған бұршақ, мыңдаған гектар егістік алқаптарын тып-типыл етті. Ондаған
тұрғын үйлердің әйнектері шағылып, шатырлары талқанданып кеткен. Қазір шаруалар шығын көлемін есептеп
жатыр. Жарамсыз болып қалған егіс алқаптарын
қалпына келтіруге кемінде 2 жыл қажет. Әсіресе Чифэн қаласындағы
жағдай ауыр. Мұнда шығын көлемі 300 мың АҚШ долларын құраған.
Қытайдың
солтүстігін көлемді бұршақ шығынға батырып жатқанда, оңтүстік аймақтарында
толассыз жауынның тоқтайтын түрі жоқ. Жаңбырдан соң тасқын болып, 23 адам ажал
құшты. Тағы алтауы жоғалып кеткен.
Ресми дерек бойынша 1,5 млн адам тасқыннан зардап
шекті. 36 мың тұрғын баспаналарын тастап шығуға мәжбүр болды. Судың көптігі
сонша, көліктерді де ағызып кетуде. Топан су жүріп өткен аудандарда 50 көлік
жоғалып кеткен. Олардың
бәрін су әкетті, дейді иелері.
Илхам ИБРАГИМ