Астана күнін мерекелеу ресми түрде басталды.
Бүгін Президент Нұрсұлтан Назарбаев дәстүрге сай «Атамекен» этномемориалды
кешенінде Мемлекеттік туды көтеру салтанатына қатысып, қала күнін мерекелеуге
пәрмен берді.
Нұрсұлтан
Назарбаев, Қазақстан
Республикасының Президенті:
Тәуелсіздігіміздің тірегі, еліміздің жүрегі - Астанамызға биыл 16 жыл
толады. Осындай тарихтағы қас қағым уақытта
зор жетістіктерге жеттік. Болашақты бағдарлап, Есілдің бойында ел қондырған
еңбегіміз аяқталды. Астана татулық пен тұрақтылықтың құтты ордасына айналды.
Қазір елорда Еуразия кеңістігіндегі интеграциялық үрдістің бесігі болып отыр.
«Елорда мерекесі қарсаңында
мемлекеттік туымызды көтеру рәсімі - біз үшін осындай табыстың бірі», - деді
Мемлекет басшысы. Сондай-ақ, көк тудың астында сап түзеген әскерилер бүгін Жоғарғы бас қолбасшы қолынан шен алды.
Нұрсұлтан
Назарбаев, Қазақстан
Республикасының Президенті:
Көкте желбіреген көк байрағымыз мерейімізді асырып, рухымызды биіктететін
киелі рәмізіміз болып саналады. Ал Қазақстанды
кемел келешекке бастаған Астана - біздің қастерлі бойтұмарымыз. Әр уақытта
байрақ, ту елдің қолына ұстайтын, қарулы күштердің паналайтын, бағалайтын
елдіктің рәмізі болып саналады.
Мөлдір БАҚЫТ-ҚЫЗЫ