Америкадағы Масачусетс пен Нью-Йорк штаттарында дүлей дауыл елді әбігерге
салуда. Жергілікті тұрғындар көзді ашып-жұмғанша, аспанды қап-қара бұлт басып,
нөсер жауын басталғанын айтады. Желдің жылдамдығы сағатына 120 шақырымға
дейін жеткен.
Америкалықтар табиғаттың мұндай тосын мінезіне дайын емес
екендігін көрсетті. Әсіресе жолда келе жатып дауылға тап болған жүргізушілерге
қиын болды. Аталған екі штатта да бірнеше жол көлік оқиғалары орын алған.
Ал мына автокөлік жүргізушісінің жолы болды. Қатты жылдамдықпен келе жатқан ол
көлікті басқара алмаса да, ешқайда соғылмай, аман қалды. Айналаның бәрі құлаған
ағаштарға толы. Көптеген ықшам аудандарды су басып, мыңдаған тұрғын үйлер
жарықсыз қалды.
Т.АМАНАЛИЕВА