Шенеунік көз жасына ерік берді. "Біріккен ұлттар ұйымы Таяу шығыс агенттігінің баспасөз хатшысы Крис Ганнесс
палестиналық босқындар мәселесі бойынша Al Jazeera телеарнасына сұхбат беру
кезінде жылап қоя берді",- деп жазады The Independent. Ол Газа
секторындағы мектепте болған атыс туралы әңгімелеп отырған. Соңынан шенеунік
өзінің Twitter-дегі парақшасында "сөзге қарағанда, көз жасы көп нәрсені
айтады" деп түсіндірді.
Газа секторында босқындарды қабылдау бекетінде
30 шілдеге қараған түні атыс болып 20- дан астам палестиндік қаза тапты.
Айта кетейік, Израиль
7-ші шілдеден бастап Газада "Мызғымас жартас" атты әскери операцияны
бастады. Соңғы деректерге сай, 1263 палестиндік ажал құшқан. Оның 900-ге жуығы бейбіт
тұрғындар.
Базаргүл ОТЫНШИЕВА