Алматы
облысындағы Қапшағай су қоймасының жағалауында «Жастар Отанға» лагері ашылды. Оған еліміздің әр аймағынан 300-ге жуық белсенді жастар жиналған.
Шетінен дарынды, шығармашыл әрі білімді қыз-жігіттер өзгеше шараға әзірленіп
жатыр. Алдағы бір аптада олар таза ауада демалып қана қоймай, танымал
саясаткерлермен, қоғам қайраткерлерімен кездесуді жоспарлаған.
Нұрлан
Сыдықов, "Нұр Отан" партиясы
«Жас Отан» ЖҚ атқарушы хатшысы:
Күні
кеше ғана Елбасы үлкен жиын өткізген болатын. Осы жиында «Нұр Отан» партиясының
жастармен жұмыс жүргізгенде және жастар арасында «Қазақстан - 2050»
стратегиясына жету жолында жастар арасында бірлік мәселесін кеңінен көтеріп
насихаттауды тапсырған болатын. Сол бірден бір ең бірінші алаң осы жастар
лагері деп есептесек болады.
Басты
мақсат - жастардың жеке тұлға болып қалыптасуына ықпал ету. Осыған орай демалыс
лагерінің бағдарламасына кәсіби біліктілікті дамытуға арналған тренингтер,
шығармашылық сайыстар мен спорттық ойындар енгізілген. "Маусым аяқталғанда
жастардың ұсыныстары жинақталып, үкіметке таныстырылады", - деді шараға ұйытқы болып
отырған «Жас Отан» жастар қанатының өкілдері.
Айгерім
Серікжанова, студент:
Біздің
өткенімізді хабарлаған кезде, жиналатын күнімізді асыға күттік. Бұл лагерьдің
жастарға беретіні өте көп деп есептеймін. Себебі біз көл жағасында демалумен
қатар, өзімізді дамытуға да көңіл бөле аламыз.
Маржан СЕРІКҚЫЗЫ