Шығыс
Қазақстан облысында жұмбағы көп оқиға орын алды. Белгісіз біреу Курчатов
қаласындағы көлік гараждарының арасында бір келі сынапты төгіп, ізін суытқан. Асфальтқа жайылған химиялық затты осы шаһардың тұрғыны байқаған.
Төтенше
жағдай болған жерге бірден келген құтқарушылар сынапты жермен бірге қырып алып,
оны шыны құтыларға салды. Артынша арнайы қоймаға апарды. Жақын арада қауіпті
металл жойылады.
Айта кету керек, химиялық у шашылған жерді мамандар бастан-аяқ
залалсыздандырып шықты. Ал полицейлер енді төтенше жағдайға себепші болған
адамды іздеуге кірісті.
Абзал ҚҰРМАНКИН