Өскеменде "Қазатомаром" ұлттық компаниясынан 1 млрд 300 млн теңге жымқырған 3 азаматқа
қатысты сот үкімі шықты. Аталған кәсіпорынның бұрынғы басқарушы директоры
Валерий Шевелев пен «Қазатомпром-Демеу» серіктестігі жетекшісінің
экс-орынбасары Серік Әбдіразақовтың бас бостандықтары 2 жылға шектелді. Ал
«Сырдария-жоба құрылыс» ЖШС директоры Розмат Әлібековке 2 жыл шартты сынақ мерзімі тағайындалды.
Қаржы полициясының тергеу амалдары аяқталды. Сот процесі қалалық сотта
жүргізілді. Бүгінде тараптардан үкімді қайта қарастыруға арыз түспеген.
Гүлнар
Әділбаева, Өскемен қаласы №2 соттың төрайымы:
Бастапқыда
аталған азаматтарға ҚР Қылмыстық кодексі 176-бабының 4-бөліміне сәйкес өзге
тұлғаның мүлкін ұрлап, жұмсау кінәсі тағылды. Сосын бұл іске жалған құжаттарды
дайындау фактілері қосылды. Алайда кейін мемлекеттік айыптаушылар бүкіл
айыптардан бас тартып, іс Қылмыстық кодекстің 177-бабы бойынша алаяқтық
түрінде тергеле бастады. Олардың әрекеті қызметті асыра пайдалану бабына
ауыстырылды.
Абзал ҚҰРМАНКИН