«Барыс» командасы үш ұпайдан айрылды. Құрлықтық хоккей лигасының
кезекті турында Новосибирск қаласының «Сибирь» клубына
қонаққа барған Андрей Назаровтың шәкірттері ірі есеппен ұтылды. Дегенмен, бұл ойындағы
алғашқы шайбаны қазақстандық клуб соқты.
Шайбаның авторы - Дастин Бойд. Бірақ,
«Барыс» ойыншыларының қуанышы көпке созылмады. Қалған уақытта бірқалыпты өнер
көрсеткен «Сибирь» командасы 4 шайбамен қарымта қайтарып, жанкүйерлер қуанышына
бөленді. Айдын иелері сапында Андреас Турессон хэт-триктің авторы
атанды. Бұл сәтсіздігінен кейін «Барыс» командасы турнир кестесінің 4-ші
сатысына ығысты. Келесі кездесуін қазақстандық ұжым енді Владивосток
қаласының «Адмирал» клубына қарсы өткізеді.
Самат ҚАНАҒАТОВ