Алматы қаласындағы дәмханалардың бірінде күшті жарылыс
болды. Салдарынан 18 адам жарақат алды.
Оқыс оқиға Мақатаев көшесіндегі «Квартал» бизнес орталығының бірінші қабатында орналасқан «Керемет» дәмханасында орын алды. «ҚазАқпарат» ақпараты
бойынша, жарылыс салдарынан қонақтар мен дәмхана қызметкерлері
жапа шекті. Жарақат алғандар қалалық және облыстық ауруханаларға жеткізілді.
Жарылыс кешкі сағат 21:52-де болды. Оқиға орнына жедел жеткен
өртке қары қызмет өкілдері тілсіз жауды тез арада ауыздықтады.
Алдын ала тексеріс барысында асханадағы газ
баллон жарылған. Куәгерлердің айтуынша, газдың иісі тез
тараған. Дәмхана қонақтары мен қызметкерлері есікке беттеген сәтте жарылыс
болған. Оқыс оқиғаға байланысты тергеу амалдары жүргізіліп жатыр. Әзірге
жарылыстың неден болғанын ашып айту мүмкін болмай тұр.
Самат ҚАНАҒАТОВ