Қазақстан Республикасы Парламенті Сенатына Ақтөбе облысынан
Марат Тағымов сайланды. 200 дауыс берушінің 19-ы кәсіпкер Серік Сағиевты
қолдаса, көпшілік, яғни 181 дауысты облыс әкімінің
орынбасары Марат Тағымов жинады. О баста орталық сайлау комиссиясына 7 азамат
тіркелгенімен, бүгінге дейін сенатор мандатына үміткер боп тек 2-і қалды.
Облыстық және аудандық мәслихат
депутаттары өз таңдауын тез жасады. Жаңа
сенаторларды анықтау жұмысын байқауға ТМД елдерінің өкілдері мен БАҚ және
қоғамдық бірлестіктер қатысқан болатын. Бас-аяғы бір сағат үш минут ішінде
өткен сайлау жұмысына халықаралық байқаушылар оң бағасын беріп отыр.
Сергей Кузнецов, ТМД байқаушылары
миссиясының өкілі:
Дауыс санау процесі бізді таң қалдырды. Жалпы
біз сайлау барысының тез өткеніне таң қалдық. 2-2,5 сағатқа созылады деп
ойлағанбыз. Әріптестерімізбен жылдамдық ережесін бұзғандығы үшін айыппұл салу
керек деп әзілдеп те қойдық. Өйткені, кіріспе сөз бен дауыс беру, есептеуге небәрі 1 сағат 3
минут кетті. Бұл жылдам, әрі нақты атқарылған жұмыс болды.
Мансұр ЕСҚОЖИН