Германияда «Амазон» онлайн
сауда-саттық жүйесінің қызметкерлері бас көтерді. Компанияның бес бірдей жеткізу орталығында ереуіл
басталған. Ол үш күннен бері жалғасып жатыр. Талап - жалақыны өсіріп, жұмыс
жағдайын жақсарту. Бұған дейін компания аталған мәселелерді қарастырмайтынын
мәлімдеген. Бірақ жұмысшылар Германияның сауда және пошта индустриясында
қолданылатын ұжымдық келісім-шарт жасауды сұрап отыр.
Конвейердің тоқтауы былтыр да орын алған. Бірақ наразы топ
дегеніне жеткен жоқ. «Амазон» басшылығы, жұмысшылар салыстырмалы
түрде орташадан жоғары айлық алады, деп есептейді.
Мөлдір ДҮЙСЕКИНА