Жезқазғандық полицейлер өз қаруларын
өздері ұрлады. Ішкі істер бөлімінің сейфінен жоғалған 4 бірдей тапаншаны
жымқырған күдіктілер ұсталды.
Тексеру барысында қалалық ішкі істер
басқармасының 2 бірдей инспекторының қару ұрлығына қатысы бары анықталып,
қамауға алынған. Лицензиялық-рұқсат беру
жүйесі мен тылды қамтамасыз ету бөлімінің 2 инспекторы бірлесіп, Қарағанды
облыстық ІІД-не құртуға жіберілген 113 түрлі әскери қарудың арасынан 4
табельдік қаруды жымқырып қалған. Қазір полицейлерге қатысты қылмыстық іс
қозғалды. Қарағанды облыстық ІІД-нің жеке қауіпсіздік басқармасы арнайы
тексеріс жүргізуде.
Бақытжан Құдияров, Қарағанды облыстық ІІД Мемлекеттік тіл
және ақпарат басқармасының басшысы:
Ұрланған қарулар тәркіленіп алынды. Қылмыстық іс қолғалды. Олар қамауға алынды.
Айжан КУАШ