Ресей, Украина және Еуроодақ жұма күні
өзара келісімге қол қойды. Протоколға
байланысты бұдан былай Ресей газы Украинаға қайта тасымалданады. Басқосуда
келісілгендей, Украина жыл соңына дейін Ресейге 4 млрд 600 миллион АҚШ
долларын аударады.
Сондай-ақ, Украина Ресейден 4 млрд текше
метр газ сатып алуды көздеп отыр. Украина өкілдерінің айтуынша, елде бұл трансферді өтейтін қаражат бар. Өз кезегінде
Еуроодақ - Әлемдік валюта фонды, Еуропалық Кеңес және «Нафтогаз»-дың қорынан қаражат бөлінетініне кепілдік берді.
Келісім-шартқа байланысты газ тасымалы
қараша мен наурыз айларының аралығында жүреді. Ресей
газының 1 мың текше метрі ағымдағы жылы 378 АҚШ долларын құрайды. Ал келесі
жылы газдың құны мың кубына 365 АҚШ долларымен сатылады. Бұл келісім-шартқа қарамастан, Ресей және Украина
арасында газ бағасына байланысты теке-тірес аяқталатын емес. Екі мемлекеттің
газға байланысты мәселесін Стокгольмдегі арбитраждық сот қарайтын болады.
Самат ҚАНАҒАТОВ