Павлодар мен Омбы облыстарының
басшылығы Ертіс өзеніндегі кеме қатынасын жандандыруды қолға алмақ. Мәселе, Керекуде
өткен «Ертiс Инвест-2014» халықаралық форумында кеңінен талқыланды.
Қос облыс үшін кеме байланысын дамыту -
стратегиялық міндет болып табылады. Павлодарлық билік өкілдерінің қыркүйек
айында көрші аймаққа іссапары кезінде аталған мәселе кеңінен талқыланды. Тараптар өзара ынтымақтастықты нығайту мақсатында
меморандум да жасасты. Осылайша, 2015-ші жылы шекаралас аймақтардың бірлескен
жобасы жүзеге асырылмақ. Алдымен Ертіс өзенінің түбін тереңдету бағдарламасы
жүргізіледі деп жоспарланған. Соның нәтижесінде қос аймақ өзара сауда-саттық
көлемін арттырады. Ең бастысы, алыс-берістің құны өзен арқылы қозғалыс кезінде
мейлінше арзанға түспек.
Александр
Третьяков, Омбы
облысы
Үкіметі төрағасының
орынбасары:
Федералдық орталық бұл мәселені қолдап отыр. Сондықтан, ортақ жоба келер жылдан басталады. Біз Ертіс өзенімен жүк
тасымалы көлемін ұлғайтудың бірлескен жұмыс жоспарын әзірледік.
Әсемгүл МҰХИТҚЫЗЫ