Бүгін Президент Нұрсұлтан
Назарбаев белгілі қоғам қайраткері Оралбай Әбдікәрімовті қабылдады. Бұл жөнінде
Ақорданың баспасөз қызметі хабарлады.
Кездесу барысында Қазақстандағы қоғамдық-саяси
өмірдің бірқатар маңызды мәселелері талқыланды. Еліміздің алдында тұрған таяу
кезеңде жүзеге асырылуы тиіс әлеуметтік-экономикалық міндеттер де сөз болды.
Сондай-ақ Оралбай Әбдікәрімов сыбайлас жемқорлыққа қарсы күресті күшейту
шараларына қатысты өз пікірлерімен бөлісті.
Оралбай
Әбдікәрімов, қоғам қайраткері:
Алтын уақытын бөліп қабылдағаны
үшін, Елбасыға алғысымды білдіремін. Кездесуде бірнеше мәселелер көтерілді.
Соның ішінде сыбайлас жемқорлық жағдайлары мен соған қарсы күрес бойынша
ұсыныстар айтылды.
Тоғжан ЖАЛҒАСБЕКҚЫЗЫ