Қарағандыда 3 айлық нәрестесін 500
теңгеге сатпақ болған әйелге қатысты қылмыстық іс қозғалды. Облыстық ішкі істер
департаменті жезқазғандық әйелге Қылмыстың Кодекстің 133 бабының 1-ші бөлімі
бойынша айып тағылғанын айтты.
Еске салайық, күдікті осыдан 4 күн
бұрын базар маңында ұсталды. Оның өз сәбиін
сатқалы жүргенін полицияға саудагерлер хабарлаған. 31 жастағы маскүнем әйелдің,
бұл әрекеті расталса, 5 жылдан 7 жылға дейін темір торға
тоғытылмақ. Қазір күдікті әйел уақытша қамау абақтысында. Ал, оның 3 айлық
нәрестесі ауруханада дәрігерлердің бақылауына алынған.
Бақытжан Құдияров, Қарағанды облыстық ІІД мемлекеттік тіл
және ақпарат басқармасының басшысы:
Өз баласын сатпақшы болған азаматшаға қатысты Қылмыстық Кодекстің 133 бабы
1-ші тармағы бойынша қылмыстық іс қозғалды.
Айжан КУАШ