Қырғыз Республикасының президенті
Алмазбек Атамбаев Қазақстанға мемлекеттік іссапармен келді. Бұған дейін
Ақорданың баспасөз қызметі хабарлағандай, мемлекеттік сапар 6-7 қарашаға
белгіленген еді.
Бүгін Қазақстан Республикасы мен Қырғыз
Республикасының Жоғары мемлекетаралық кеңесінің 4-отырысы өтеді. Онда негізінен энергетика саласындағы байланыс жайы
талқыланады.
Айта кетейік, бұл биылдыққа қырғыз
президентінің Қазақстанға жасаған екінші сапары. Қырғыз президенті наурыздың 26-нда Алматыда Қазақстан Президенті
Нұрсұлтан Назарбаевпен кездесіп, сауда-экономикалық, инвестициялық,
энергетикалық және мәдени-гуманитарлық ынтымақтастықты нығайту мәселелерін
талқылаған еді.
Жұрағат БАМАН