«Australian Open» қазақстандық жанкүйерлерге тосын сыйға
толы болды. Ярослава Шведова жарыс жолын жеңіспен бастады. Ол «Үлкен Шлем»
додасында қарсыласы болгарлық Цветан Пиронкованы 6:4; 6:4 есебімен тізе
бүктірді. Енді Ярослава Шведова екінші айналымда қазақстандық тенисші Зарина
Диасты жарыс жолынан шығарып тастаған америкалық Мэдисон Кизбен күш сынасады.
Сонымен қатар, «Australian Open» жарысында тағы да бір жерлесіміз сайысты
бастамай жатып жеңіліс тапты. Михаил Кукушкин португалдық Жоау Соузадан 3:6,
4:6, 3:6 есебімен есе жіберді.
Ең қызығы, әлемдік АТР рейтингінде бесінші
орындағы Рафаэль Надаль жарыс жолынан шығып қалды. Әлемнің экс-бірінші
ракеткасы тартысты ойында отандасы испандық Фернандо Вердаскодан жеңілді. Ал «Australian Open» өзінің жалғасын тауып жатқанда, жергілікті полиция бірінші
айналымдағы ойыншылардың күдікті нәтижелерін тексеруге кіріскен. Еске салсам,
таяуда ғана ТОП-50-ге кіретін 16 теннисшіге ойынды келісіп ойнады деген күдік тағылған болатын.
Берік ХАСЕНОВ