Қостанайда
кеше кешқұрым оқыс оқиға болды. Шаһардағы Алтынсары - Фролов көшелерінің
қиылысындағы кәріз құбырын жөндеп жатқан жұмысшылар опырылып құлаған топырақтың
астында қалды. Әзірге белгілі болғаны: жұмысшылар 8 метрге жуық тереңдікте қазылған кәріз
құбырларын жөндеп жатқан. Кенеттен
топырақ үйіндісі құлап, салдарынан үш адам зардап шегіпті.
Жарақат алған
жұмысшының біреуі дін -аман. Ол дереу ауруханаға жеткізілді. Ал қалған
екеуінің хал-жағдайы белгісіз. Тиісті мекеме өкілдері ресми ақпарат беруден бас
тартты. Дегенмен жергілікті басылымдар, зардап шеккен жұмысшылар «Балқаш Құбыр монтаж» жауапкершілігі шектеулі
серіктестігінде жұмыс істейді, деген ақпарат таратып үлгерді.
Заңғар САНАЙ