Шайбалы
хоккейден Қазақстанның жастар құрамасы Тәуелсіздік күніне тамаша сыйлық жасады.
Әлем чемпионатында сынға түсіп жатқан отандастарымыз екі ойында үздік шықты.
Алдымен, Украина командасын жеңген Сергей Старыгиннің шәкірттері келесі
кездесуінде Жапония хоккейшілерінің алдын орап кетті. Есеп 6-3. Өзге де спорт
жаңалықтары Самат Қанағатовтың топтамасында.
Кәсіпқой
бокстан 5 салмақ дәрежесінде әлем чемпионы, атақты кіші Рой Джонс Астанаға
келді. Аты аңызға айналған спортшы арнайы ұйымдастырылған баспасөз маслихаты
барысында барлық қазақстандықтарды Тәуелсіздік мейрамымен құттықтады.
Рой Джонс,
кәсіпқой бокстан әлем чемпионы:
Бүгін
Қазақстан Тәуелсіздік күнін тойлап жатыр. Сіздерді шын жүректен құттықтаймын.
Қазақстан халқы - өте қонақжай. Маған жан-жақты сый-сияпат көрсетіп жатыр. Үлкен
рахмет. Астананың зәулім ғимараттатары көз тартады. Мен бұл қалаға міндентті
түрде ораламын.
Астанаға
Рой Джонспен бірге, елімізде туып өскен аса ауыр салмақтағы әлем чемпионы Олег
Маскаев келді. Дәстүрге сәйкес еліміздің Мәдениет және спорт
министірі меймандарға шапан жапты.
Атақты
спортшылар Астанадан Қарағанды қаласына аттанады. Кеншілер жерінде
меймандар Ғалым Жарылғаповты еске алуға арналған халықаралық турнирді
тамашалайды.
Самат ҚАНАҒАТОВ