Футболдан Англия кубогының 3-ші
кезең ойындары болып өтті. Бұл сында қарсыластарының алдын орап кеткен
«Манчестер Юнайтед» және «Арсенал» командалары жанкүйерлерін қуантты. Тақырыпты
Самат Қанағатов тарқатады.
«Манчестер Юнайтед» командасы
Англия кубогының 3-ші кезеңін сыртқы алаңда «Йовил» клубына қарсы өткізді.
Бірінші таймда командалар есеп аша алған жоқ. Үзілістен тынығып шыққан Луи Ван
Гальдің шәкірттері сәтті шабуыл ұйымдастырды. Голдың авторы - Эррера.
Қарымта шабуылға шыққан алаң
иелері есепті теңестіретін мүмкіндікке ие болды. Бірақ қақпашыға көмекке
келген Анхель ди Мария допты баспен қайтарды. Ал кездесудің соңғы минутында
жеке шеберлігімен көзге түскен ди Мария бұл ойындағы соңғы нүктені қойды.
Келесі ойында Лондонның
«Арсенал» командасы «Халл Сити» клубын қабылдады. Кездесу басынан үлкен күшпен алға ұмтылған алаң иелері екі мәрте есеп ашатын мүмкіндікке ие болды. Алдымен Кембелдің соққысын қақпашы қайтарса, келесі сәтте қақпа алдында қараусыз қалған
Алексис Санчестің соққысы қақпадан сәл биік кетті. Дегенмен, жасымаған Арсен
Венгердің шәкірттері шабуылдарын жалғастырып, ұрымта сәттің бірінде есеп ашты.
Бұрыштан көтерілген джопқа биік секірген Мертесакер командаластарының қошеметіне бөленді.
Бір голмен шектеліп қалмаған
алаң иелері үзілістен кейін есепті еселеді. Әріптесінің пасынан кейін
мергендігімен танылған Алексис Санчес командасын келесі кезеңге алып
шықты.
Самат ҚАНАҒАТОВ