Мемлекет
басшысы Нұрсұлтан Назарбаев қазақстандықтарды Рождество мерекесімен
құттықтады. Бұл жөнінде Ақорданың баспасөз қызметі хабарлады.
Президент өз
құттықтауында Рождество мерекесі қайырымдылық пен әділдікке, мейірімділік пен
кешірімділікке сенудің нышаны болып келетінін атап өтті. «Бұл - ізгі
ниеттер мен қайырымды істердің, көмекке мұқтаж адамдарға қамқорлықтың
уақыты», - деді Елбасы. «Қазақстандықтар діни нанымдары мен этностық
шығу тектеріне қарамастан, қуаныштарын бір-бірімен бөліседі. Осы жарқын мерекеде
барша діндарларға денсаулық, рухани күш, игі бастамаларына сәттілік
тілеймін!» - делінген Президент құттықтауында.
Базаргүл ОТЫНШИЕВА