Астанада автокреслоларды ұрлау басталды. Баукеспелер оны көліктің
салонынан жымқырып кетеді екен. Бұл туралы Астана қалалық Ішкі істер
департаментінің баспасөз хатшысы София Қылышбекова мәлімдеді.
Жыл басынан бері
осындай екі жағдай тіркелген. Ұрылар көліктерді ашып ішінде тұрған балаларға
арналған креслоларды қолды еткен. Сонымен қатар көліктегі өзге заттарды да
үптеп кеткен.
Аталмыш фактілер бойынша жедел іздестіру шаралары жүріп жатыр.
Айта кетейік, автокреслоларға деген сұраныс осы айдан бастап күрт артқан.
Яғни сол кезде жол жүру бойынша жаңа ережелер күшіне енді.
Оған сай 12 жасқа
дейінгі балаларды арнайы креслосыз көлікке отырғызуға тыйым салынған. Ал
депутаттар бұл талапты бір жылға кейінге шегеруді ұсынып, бастама көтеріп
жатыр.
Айгүл АДЕПБАЙ