Русский Сайттың толық нұсқасы

«Қазгидромет» күн райы бұзылатынын хабарлайды

  • AstanaTV
  • 26 қаңтар 2016
  • 1529

«Қазгидромет» жақын күндері елдің біраз бөлігінде күн райы бұзылып, үскірік аяз болатынын хабарлайды. Қаңтардың 26-сы мен 28-і аралығында.

Ресейден ауысатын суық ауа циклоны әсерінен солтүстік, батыс және шығыс өңірлерде сынап бағанасы 30 градустан төмендеп, қатты аяз болады деп күтілуде. Сондай-ақ қалың қар түсіп, секундына 25 метрге дейін жел тұрады деп болжанып отыр. Ал оңтүстікте Каспийден жеткен циклон әсерінен жауын-шашын болады. Ауа температурасы +2 ден -12 градусқа дейін төмендейді. Түнде көктайғақ болып, тұман түседі және қатты жел тұруы ықтимал. 

Мөлдір БАҚЫТҚЫЗЫ