Қазақстанның
Бас
прокуратурасы өткен жылы 700-ден астам экстермистік сайттың жұмысын тоқтатты.
Ведомство баспасөз қызметінің хабарлауынша, 100 мыңнан астам
интернет-ресурстарға мониторинг жасалды. Нәтижесінде прокурорлардың және
уәкілетті органдардың арыздары бойынша соттар 703 интернет-ресурстың өнімін
заңсыз деп таныған.
Сондай-ақ, белгілі болғандай, сот прокурорлардың 198
ақпараттық материалдардың мазмұнын экстремистік деп тану туралы арыздарын
қанағаттандырыпты. Бұдан былай бұл өнімдерді Қазақстан аумағында таратуға тыйым
салынған.
Ләйлә ҚАЗИЯҚПАРОВА